Original: Eagle-Eye Cherry - Save Tonight
Pfälzer Text: Christian Marquardt

Nooch de Schul - hosch Doin Beruf gelernt
Un Disch dann - vum Elternhaus entfernt.
Gehscht studiere - machscht Doi Diplom
Glaabscht Du_wärscht dann e Respektsperson
Du denksch: "Auf! Die Welt, sie ruft nooch Dir!"
Wudruff waadscht? Geh naus un hol se Dir!
Leider hot - der frieher kenner gsaat,
dass die Welt net allää uff Disch bloß waart!

Ich froog mich als
Wuhi moin Weg noch geht,
do in de Palz,
wu sich moi Leewe dreht?
Geh ich noch fort?
Odder bleib ich do?
Ääns is sischer
Wuannersch is net so!

Doin erschde Job - un‘s laaft net gscheit
Uugeduld - sie macht sich breit.
Du seggsch: "Heer! Un dodevor die Mieh?"
Duwillsch mehr un schmeisch de Bettel hie.
Dehääm die Froooindin - hot Disch schon ewisch satt,
nemmt Doin Kumpel - un serviert Dich ab!
wennigschtens bisch jetzt ganz frei!
Des kanns noch net gewese soi!

Annem schääne Daag - ich wees des is wohr,
werr ich im Kopp - nochemol gloor,
do seh ich vor de Nas moi Gligg
dann nemm ichs un gugg net zurigg!

Wuannersch is net so!
Wuannersch is net so!
Wuannersch is net so!
Wuannersch is net so!

Ich bleib do

Liedtexte

Wir verwenden Cookies. Damit wollen wir unsere Webseiten nutzerfreundlicher gestalten und fortlaufend verbessern. Wenn Sie die Webseiten weiter nutzen, stimmen Sie dadurch der Verwendung von Cookies zu. Weitere Informationen erhalten Sie in unseren Cookie-Hinweisen unter Datenschutz.