Original: ABBA - SOS
Pfälzer Text: Christian Marquardt
Oh kumm mol her mei Lieb,
heer zu, ich sags der heit.
Ich bin nervees, ajo,
awer glei wäschd Bescheid.
So lang wie mir verheirat sin,
hab ich mich nie getraut.
Awer heit muss es raus,
es hot sich arg uffgstaut.
Mein Mage dreht sich um, immer
wann ich dei Esse ess.
ich krieg e belzig Zung
immer wann ich dei Esse ess.
Wann ich wäß,
dass Du kochscht will ich manchmol net häm.
Wann ich wäß,
dass Du kochscht, ess ich vorher allän.
Vanillsauce aus de Dudd,
Dambnudle aus de Dos.
Statts änre gscheide Kruscht
gibt’s Klumbe in de Sooß.
Die Brotworscht is als agebrennt,
zu lebsch des Sauerkraut.
Ich glaab, selbschd Toast Hawaii,
denn kriggscht Du a versaut.
Mein Mage dreht sich um, immer
wann ich dei Esse ess
ich krieg e belzig
Zung immer wann ich dei Esse ess.
Wann ich wäß,
dass Du kochscht will ich manchmol net häm.
Wann ich wäß,
dass Du kochscht, ess ich vorher allän.