Original: Nathan Evans - Wellermann (Soon May The Wellerman Come)
Pfälzer Text: Monji El Beji, Christian Marquardt & Christoph Erbach
Ich brauch kenn Schnaps unn Rum
Wann ich an gude Schorle
Kumm schenk mer noch mol oi
Vum gude pälzer Woi
In Speyer, nah beim schäne Dom
De Woifeschdkänisch hot soin Thron
De Palzwoi is soi Religion
Unn ewig fließt de Rhoi
De Worschdmarkt do in Dergem lockt
Im Hamelszelt werd bees gerockt
Im Schubkarch werd sich hiegehockt
Was kann dann schäner soi
Des Frankedahler Strohhutfeschd
Verschbrischd was schänes fer soi Gäschd
Miss Strohhut, die is schunn net schleschd
Doch ich hab dorschd fer Drei
In Landau feiert man gern groß
Im Summer lossts mich nimmi los
Studentekäpp bloß uff de Schdroos
Des kanns doch gar net soi
In Neistadt uffem Woinachtsmarkt
Hot misch emol e Fraa verklagt
Isch hätt ihr Brotworschd ogenagt
Oh Herrgott, steh mer bei
Warschud du mol in Ludwigshafe
Aache zu un schnell durschlaafe
Do gebts a nimmi viel zu kaafe
En Euroshop muss nei
In Lautre schun seit wieviel Johr,
Uff'm Betze singen all im Chor,
Die Buwe treffen nimmi s’Dor
Langt grad fer Liga drei
Der Text wird kontinuierlich erweitert:
In Roxem drauß am Silwwersee
De Sunnebrand tut richtig weh
Wann ich mein rote Buggel seh,
Hopp Creme mich doch mol ei
Aus Heidelberg die Hottwollee
Die kummt als mit erm Cabriolet
Un losst sich uff de Woistrooß seh
Es Sinn halt schäne Leit
In Kannel an de Bienwaldhall
Do werd moin Schorle niemols all
Ich krieg net uff moin Hossestall
Unn bruns mich glei noch oi
In Elmstää tief im Pälzer Wald
Motorradfahrer machen halt
Gewannerd werd mit Jung unn Alt
Do kehrt ma ach gern oi
Liedtexte