Original: Udo Jürgens - Ich war noch niemals in New York
Pfälzer Text: Christian Marquardt
Un nochm Owendesse hot er gsaat,
ich geh mol ewe korz noch um de Block.
Ich kanns so langsam nimmi seh,
wie ich de ganze Owend uffm Chaislon hock.
Ich mecht mol widder uff e Woifeschd geh,
mol widder annre Mensche seh.
Ich glaab, do werds emol so langsam Zeit.
Soi Fraa die is do annersch gschtrickt
unn is uff Woifeschd net verrigt.
Deed liewer gern mol uff die anner Seit,
do iwwerm Rhoi
Ich war noch niemols iwwerm Rhoi,
do kanns doch aa net schänner soi!
Was soll ich dann do driwwe in de große Stadt?
Ich war noch niemols iwwerm Rhoi,
ich hätt do halt känn Spass debei!
Wer hot dann dodevu
schun jemols ebbes ghatt?
Un wie er uffm Trottwar gstanne war
hot er gedenkt, jetzt haw ich awwera genug.
Heit owend gilt‘s, heit geh ich druff,
ich geh glei niwwer uff de Zug!
Nemms Schobbebähnel un fahr in die Palz,
de FCK-Schal um de Hals,
zu moine Leit mit Brotworscht, Weck un Woi.
En Rieslingschorle fer de Dorscht,
de Pälzer Mussig zugehorcht.
Mo ehrlich, wu kennt des dann schänner soi?
dann schänner soi?
Ich war noch niemols iwwerm Rhoi,
do kanns doch aa net schänner soi!
Was soll ich dann do driwwe in de große Stadt?
Ich war noch niemols iwwerm Rhoi,
ich hätt do halt känn Spass debei!
Wer hot dann dodevu
schun jemols ebbes ghatt?
Dann hot er sich doch umgedreht,
es war‘em dann scheins doch zu bleed.
Zu kalt, zu spät und außerdem so weit.
Geht hääm, do steht die Fraa im Gang,
un driwweliert: "Wo bleibschte dann?"
Sagt: "Hopp, s’is Woifeschd! Zieh Dich aa! Hopp zieh Dich aa!"
Ich war noch niemols iwwerm Rhoi,
do kanns doch aa net schänner soi!
Was soll ich dann do driwwe in de große Stadt?
Ich war noch niemols iwwerm Rhoi,
ich hätt do halt känn Spass debei!
Wer hot dann dodevu
schun jemols ebbes ghatt?
Liedtexte