Original: Creedance Clearwater Revival - Down On The Corner
Pfälzer Text: Christian Marquardt
Mei Fraa hot heit Geburtstag,
mir feiern, dass es kracht
Seit mittags schun am Grille,
jetzt is dreivertel acht
Do kummt moin beschde kumpel her,
un mänt er misst jetzt geh
ich denk, des is kä Wunner,
wann ich sei Cola seh
Bleib halt mol hocke
mach un setz dich hi!
Jetzt trink halt mol en Schoppe
un net die dabbisch Brieh!
Er is dann noch gebliwwe,
es war e harti Nacht
Bis mojens frieh um siwwe,
hämmer durch gemacht
Beim Friehstick kummt de Nochbar roi,
un mänt mir warn zu laut
Ich zeig bloß uff sei Kaffeetass,
wie der widder abhaut
Bleib halt mol hocke
mach un setz dich hi!
Jetzt trink halt mol en Schoppe
un net die dabbisch Brieh!
Bleib halt mol hocke
mach un setz dich hi!
Jetzt trink halt mol en Schoppe
un net die dabbisch Brieh!
Dann mache mer e Radtour,
fascht wie die Tour de France
So hääß wie heit die Sunn scheint,
do hämmer kaum e Chance
Mei Fraa, die kippt sichs Wasser,
glei iwwers ganze Gsicht
Un hebt sich ausm Sattel,
bevor se zamme bricht!
Bleib halt mol hocke
mach un setz dich hi!
Jetzt trink halt mol en Schoppe
un net die dabbisch Brieh!
Bleib halt mol hocke
mach un setz dich hi!
Jetzt trink halt mol en Schoppe
un net die dabbisch Brieh!
Liedtexte