Original: Toto Cutugno - L’italiano
Pfälzer Text: Christian Marquardt
Als emol owends trink ich gern Chianti,
mit meine Freunde un mit all Verwandti,
hocken mir beim Lieblings-Italiener,
weil so beisamme hocke is halt schäner.
S’libschd bestell ich mir die groß Spaghetti
Des is e richtichi Portion, e fetti,
Un noch em Deller mit so viele Nudle
Nemm ich e Schnäpsel un du jo net hudle
De Cameriere dort, des is de Dino
Bringt immer weiter vum soim gude Vino
do an de Tisch
uU ämol frog ich mich
Wer kann dann heit noch fahre?
Kann des mol äner saache?
An so spezielle Daache,
will ichs net selwer waache.
Wer kann dann heit noch fahre?
Ich will net hämzuus laafe,
an so spezielle Daache - hopp, fahr doch heit emol Du!
So en Owend mit viel Pasta un mit Pizze
bringt die ganz Bagage so ordentlich zum schwitze
Deswege gibt’s fer all noch en Verdauer
Weil mit dem krigge mer widder Power
die Oma Lotti kriggt en Ramazotti,
un legt dann uUs Parkett e Sohl, e flotti
Die Bianca nimmt n Fernet Branca
Un en Sambuca fer ihrn Sohn, de Luca
De Opa Herbert kaaft brutto fer netto,
zum gute Schluss e Fläschel Amaretto
Fer mit häm zu sich
un als noch frog ich mich
Wer kann dann heit noch fahre?
Kann des mol änner saache?
An so spezielle Daache,
will ichs net selwer waache.
Wer kann dann heit noch fahre?
Ich will net hämzuus laafe,
an so spezielle Daache - hopp, fahr doch heit emol Du!
Strophe 3 (verkürzt)
Noch viel Chianti un e paar Campari,
fahr ich mein Opel heit wie en Ferrari,
in de Kurve geb ich ordentlich Avanti,
bis ich verwischt werr leider, inflagrani.
Do hilft kä jammern un do hilft kä bete.
Des koscht de Lappe un ganz schää Monete,
wann de Bollezischd,
Dich halt verwischt. ... un seggd:
Du sollscht doch heit net fahre!
Muss ich des wirklich saache?
An so spezielle Daache,
derfscht Du’s net selwer waache.
Du duschd jetzt nimmi fahre!
Ab jetzt muscht hämzuus laafe,
an so spezielle Daache,
fahrschd jedenfalls nimmi Du!
Nanananananana ...