Original: Nino De Angelo - Jenseits von Eden
Pfälzer Text: Christian Marquardt

Wann mich mein Chef zammescheißt weil er spinnt
Dann werds Zeit änner zu heewe
Von nix e Ahnung un kreischt um sich wie wild
Ich muss endlich do raus
Ich will zu moine Jungs an die Thek

Wann selbschd moi Fraa seggt, dehääm isses zu bunt
Dann werds Zeit änner zu heewe
De Sohn, die Dochder und jetzt aa noch n Hund
Ich kann net iwwerall soi
Ich will zu moine Jungs an die Thek

Loss mich äfach mit de Kumpels dischbediere
Iwwer de Lewenssinn philosophiere
Bloß ää zwee Stunn unn dann is widder gut
E bissel Zeit fer mich, unn ich halt moi Schnuut.

Wann ich die Nochrichte im Fernseh als seh
Dann werds Zeit änner zu heewe
Ob schwarz ob rot, ob gelb oder grün
Ich ärger mich bloß blau
Ich will zu moine Jungs an die Thek

Loss mich äfach mit de Kumpels dischbediere
Iwwer de Lewenssinn philosophiere
Bloß ää zwee Stunn unn dann is widder gut
E bissel Zeit fer mich, unn ich halt moi Schnuut.

Egal was is, mir finnen immer en Grund
Mol widder änner zu heewe
Die ganz Nacht dorch odder bloß fer a paar Stunn
Hauptsach beisamme zu sei
Ich bin gern bei de Jungs an die Thek

Liedtexte

Wir verwenden Cookies. Damit wollen wir unsere Webseiten nutzerfreundlicher gestalten und fortlaufend verbessern. Wenn Sie die Webseiten weiter nutzen, stimmen Sie dadurch der Verwendung von Cookies zu. Weitere Informationen erhalten Sie in unseren Cookie-Hinweisen unter Datenschutz.