Original: Bob Seger - Old Time Rock And Roll
Pfälzer Text: Christian Marquardt & Monji El Beji

Kumm hol die alde Platte ausm Regal
Was die im Radio spielen is mir doch egal
Was in de Charts laaft des find isch net so doll
Ich här halt liewer mol en Rock & Roll

Nemm mich bloß net mit in die Disse
Do misst isch mich jo glei verpisse
Ich froog misch wie ma do druff donze soll
Ich här halt liewer mol en Rock & Roll

Ich steh halt uff moin alde Rock & Roll
Des Find sogar moin bleede Nochbar toll
Wonn ich die Oolang dann hochdreh uff voll
Mit moin schääne alde Rock & Roll

Schun in de Donzschul danzt ma Tango
Deswege war ich aa nie lang do
Vun dem Schwoofe hat ich schnell die Nas voll
Ich här halt liewer mol en Rock & Roll

Nenn misch en Spießer, hääß mich wie du willschd
Ich spiel moi Lieder so oft bis du brillschd
Unn wonn ich wege dir de Doktor hol
Ich här halt liewer mol en Rock & Roll

Liedtexte

Wir verwenden Cookies. Damit wollen wir unsere Webseiten nutzerfreundlicher gestalten und fortlaufend verbessern. Wenn Sie die Webseiten weiter nutzen, stimmen Sie dadurch der Verwendung von Cookies zu. Weitere Informationen erhalten Sie in unseren Cookie-Hinweisen unter Datenschutz.